加入工會Q&A

最後更新:24 / 1 / 2021

1)問:咩人可以加入工會?
答:只要你係消防處的屬員,不論咩職系、職級,係新制定舊制,長俸定強積金,只要登記果刻仲未退休,都有資格加入我哋工會。

2)問:我已經係其他消防處職工組成嘅工會,咁我仲可唔可以加入你哋?
答:當然可以,我哋工會無哩個限制。

3)問:加入哩個工會有咩褔利?
答:我哋個會仲係起步階段,暫時的確未做到其他工會俾到嘅褔利住,不過你可以俾啲建議我哋,只要能力做到、可行的,我地都會認真考慮去做。

4)問:你哋會費幾錢?
答:基本會員$80/年,退休會員$40/年,入會費$20。

5)問:咁幾時收會費?
答:我哋已經成功開立銀行開戶,現有會員請登入查看會費收取的詳情,而新登記加入的會員會收到理事通知繳費的詳情。

6)問:入會手續係點?
答:上返工會網站進行簡單登記(網址:http://www.hkfacsu.org
方法一:線上填寫 Google Form
方法二:下載PDF表格,列印並填寫資料,Whatsapp或電郵至本會Whatsapp號碼或電郵地址


理事會喺登記後七至十個工作天內完成審批,屆時你會收到確認電郵。如果申請未獲批准,你會收到提示電郵,提示返未獲審批的原因,例如:非消防處屬員;未能出示消防處新款的委任証、証員証或其他証明在消防處工作的文件;未能提供表格列明申請所需的資訊;等。

 

登記流程:
        登記 -》註冊網站帳戶 -》繳付會費 -》等待審批-》確認申請

7)問:點解你要我Upload委任証/職員証?
答:哩個係用黎確認你嘅會員資格,係消防處屬員至可以加入我哋工會,放心,你提供嘅証件或表格,管理員會於處理你嘅會員申請後,盡快下載並保存在離線位置,唔會再保存在網上伺服器,以保障會員嘅私隱。

8)問:退休咗仲可唔可以加入做退休會員?
答:根據職工會登記局嘅規定,我哋工會只可以收取基本會員,當會員退休後才有資格申請做退休會員,不能夠直接收取退休會員。

9)問:有咩渠道去接收工會嘅資訊?
答:咁就多啦,工會網站、Email、Signal、Whatsapp、Mewe、Facebook、Telegram等交平台帳號。

10)問:我加入工會做會員,會唔會俾處方 / 其他人知道?
答:唔會,你嘅個人資料絕對保密,我哋唔會向處方上報嘅,除非你自己公開自己嘅會員身份俾其他人知啦。

11)問:你哋工會成立目的係咩?
答:我哋成立哩個會嘅目的,係希望團結返消防處屬員,為會員發聲,爭取應有福利及權益,唔會成為一言堂,得一把聲音,會員被代表的情況。我哋理事會係會聆聽各位會員嘅意見,務求能滿足大部分嘅會員。另外,我哋工會可以作為多一個選擇俾各位屬員,有別於各個現有職系的工會,只會接納某一特定職系屬員加入。

12)問:咁你哋點收集會員意見?
答:我哋收集會員意見嘅途徑包括:工會網站、Signal / Whatsapp公開群組、Mewe / Facebook文青聯投稿、Email聯繫,以至稍後時間往各區消防局/救護站交流(需待疫情舒緩及消防處管理組批准後才可實行)。

13)問:你哋會點招收會員?
答:我哋工會有自己網站,同事只需要做簡單登記就可以入會,黎緊我哋會同處方商討,希望佢批准我哋可以好似其他工會咁,入去FASA推廣俾啲學官同學仔,同埋落局做推廣及交流。

14)Google Form唔能夠上載委任証 / 委任証,可以點做?

答:可以繼續遞交申請表格,並在登記後三日內電郵所需証件到本會電郵,否則我們未能處理你的會員申請。